Tun kha 2, 2026 ❖ THE TEDIM POST
Tan sawm laivuanna a ong zah a tawm pen gamkhen ahi Chin State ah 2026 kum tan sawm laivuanna a ong zah a tam ding sangin thumantak in laivuan ding pen a thupi masa ngimna hi ci-in SAC’ khutnuai ah nasem ahi Chin State Chief Minister Dr. Vungh Suan Thang in Hakha khuapi, Chin state kumpi’ zumpi ah tansawm laivuanna a lawhcin nading kikupkhopna ah Theinosih kha 29 in pulakna nei hi.
Chin state i a kigawm vanman (Gross Domestic Product)a kiat ding sang in lungsim puakzia, zialetong a siat ding lauhuai zaw hi. Tua ahih manin 2026 kum tan sawm laivuanna ah lai ong mimal tam ding pen a nihna leh a thumna lunggulhna hi pan a, thumantak in laivuan ding pen a khatna ngimna hi ci-in Dr. Vungh Suan Thang in gen hi.
2025 kum tan sawm laivuanna ah Chin State pan B.E.H.S (1) Hakha leh B.E.H.S (1) Tedim laivuanna mun 2 ah kibawl hi. Laivuan sangnaupang 408 lak ah 110 ong in, a ong zah 26.96% bek hi a, gam bup ah a ong zah a tawm pen ahi hi.
Source: Chin World
