Gam kha 10, 2026 ❖ THE TEDIM POST
Sagaing region, Kalaymyo ah a beisa Gam kha (June) 7, 2026 nitak nai 8:30 pm kiim in cycle tawh a vakna pan innlam a zuan nutate Yadanar Pone lampi (ပေ ၅၀ လမ်း) SK ဂိုဒေါင် gei ah mi 7 in a cycle uh luh sak hi cih kiza hi.
Hih cycle a kiluh sak nuta te in a genna ah, “Nitak 8:30 pm kiim in cycle tawh innlam ka ciah uh a, Yadanar Pone lampi(ပေ ၅၀ လမ်း) SK ဂိုဒေါင် gei ah amai uh mask tawh a tuam mi sagih in ong khawl sak in ka cycle uh ong lak sak hi,” ci-in gen uh hi.
Tua ban ah amau mai ah mi nih te zong a cycle uh leh a phone te uh lak sak hi ci-in gen beh hi.
Gamvai hoihlohna leh nasep haksatna hangin nuntak haksa ahih manin hih bangin mipite’ neihsate thuman lo-in luhna tam semsem hi. Tua ahih manin mipite lampan vaksuk vaktohnate ah pilvang tak leh kidawm tak in vak ding thupi mahmah hi, ci-in zong khuasung mite’n pulak uh hi.
News: CJ
