Zing kha 12, 2026 ❖ THE TEDIM POST
Indonesia gam ah President Prabowo Subianto in a geel thukhunthakte deihlohna hangin sangnaupang 1,500 in a khuapi uh Jakarta ah laithaini (June 12) in lungphona nei uh hi. Sangnaupangte lam pan lunggulh 5 pulak uh a, datsi man leh nekledawn man khiap ding bulphuhpi in nei uh hi. Tua ban ah President pa in a mawkna in an a piakkhiat theih zel pen zong sum beitaak lo ci-in mawhpaih uh hi.
Hih sangnaupang te lungphona pen “Heading to Bankrupt Indonesia” lungphona ci in min kivawh hi. Sangnaupang khempeuh lungtuak tak in lungpho hi cih lahnopna in college puan eng silhna tawh lakkhia uh hi.
A lung kituak na uh pholak ding in college puan eng silh gai uh hi. Sangnaupang te lungkimlohna lianpi dang khat ahih leh Indonesia sum Rupiah man kiam semsemna hang zong ahi hi. Tukum March kha in US dollar khat 16,000 hi a, June kha teh 18,000 ah kiam suk beh hi. Tua bek thamlo tukal sungin van man pen kiam sak tuan lo ban ah 32% bang in khang sak beh zaw uh hi.
Indonesia kumpi lam pan hih lungphona sungah nasem dingin palil leh galkap 6,000 vaipuak pia uh hi. Indonesia pen Southeast Asia ah economy gol pen hi a, tulaitak in sum tawh kisai buaina tuamtuam nei uh hi.
Source: Al-Jazeera
