Magway region, Salin township ah PDF galkapte’n December bei lamin khaktan-in mun a lakna uh ahi Nwetamei khua pen SAC galkapte’n lakik zo uh hi, ci-in January 12, 2026 in pulakna nei uh hi.
Tua banah PDF galkap khat ii luanghawm leh thauvui honkhat zong galphual ah mu uh hi, ci-in SAC te’n pulak uh hi.
A beisa January 9-10, 2026 sungin Sinphyu Kyun gei, Salin lui lam a om khuate ah SAC galkapte’n Drone Bomb a khiatna uh hangin khuasungmi 22 in liamna ngah uh hi, ci-in PDF-Salin te’n pulakna nei uh hi.
Nwetamei khua pen SAC te’ bawl ahi a nihveina kiteelpi kibawlna khua khat hi a, Sinphyu Kyun pusuahna lamah a om ahi hi.
December 23, 2025 in zong galvan kepcingna mun tampi a omna ahi Magway region, Salin a kihel township 6 te ah NUG lampan Magway mipi thautawi kipawlnate’n do uh hi. December 28 ni ciangin Salin khua leh Sinphyu Kyun khua khaktan zo-in, Sinphyu Kyun lam a manawh galkap 170 te do zo bekthamlo-in, Sinphyu Kyun ah a om kumpizumte leh galkapzumte zong kihaltumsak hi, ci-in Ministry of Defense, NUG in pulakna nei hi.
December 23 kidona hangin kiteelpi kibawl zo nawn lo dingin khuasungmite’n a lamet uh hangin kibawl veve hi.
Tulaitak-in Sinphyu Kyun khuasungmi a tamzaw pen Magway lamah galtai-in a om laitak uh ahi hi.
Source: BBC Burmese
……………………………………
