Mandalay khua sungah kiteelpi ding lungkimlohna lahna-in lungpho ahi Dr. TayZar San leh Ko Nan Lin te kihel mimal 10 te Article 23 (B) tawh SAC in thubawl hi cih SAC thusuahna tungtawn in kithei hi.
Dr. TayZar San te ahih leh December 3, 2025 in Mandalay Zaycho kiim teng ah lungphona nei uh a, December 10, 2025 in gamdaih lungphona ah mipite kihel nading leh kiteelpi ah zong kihelloh nading thapiakna nei uh hi.
Hih thu huhau in SAC in kiteelpi pen mipite in a muhkhialh nading un thugen hanthawn in nawngkaisak uh hi cih tawh Mandalay khuapi, Chanayetharsan township, No.6 paliklen ah thu a bawl uh ahi hi.
November leh December 10 kikal sungin Yangon, Mandalay leh Shan state tepan in kiteelpi vai nawngkaisakna tawh mimal 25 sang a tawmzaw lo kiman khin hi cih SAC te’n pulakna nei uh hi.
Kiteelpi a nawngkaisakte Article 23 (B) tawh gilbem kum 5 – 10 kikhia thei hi cih zong pulak beh uh hi.
Source: BBC Burmese
……………………………………
