SAC makaihna tawh a kibawl kiteelpi ah, a hang tuamtuam tawh kiteelna a nawngkaisak ci-a mawhmatna tawh mimal 335 te SAC khutnuai ah kiteelpi tawh kisai buaina a om loh nading in vaipuak neite in thubawlna nei uh hi.
Myanmar gam sunga om region leh state tuamtuamte ah kiteelpi a kinawngkaisak loh nadingin SAC in thukhun suah a, tua a palsat pasal 275 leh numei 60, vekpi gawm 335 te SAC in thu bawlna a nei ahi hi.
SAC in kiteelpi khenpi masa pen December 28, 2025 in bawl khin a, khenpi nihna pen January 11, 2026 leh khenpi thumna January 25, 2026 in bawl dingin geel uh hi.
SAC in July 19, 2025 in kiteelpi a nawngkaisakte khauhtakin thubawl ding, gilbiim puak ding leh sihna dan dong ah a tung thei thukhun a bawl uh ahi hi.
Tua tungtawnin kiteelpi a nawngkaisak nading deihna tawh social media tung, mipi kimuhkhopna ah thugenna, mi hanthotna, lungphona tuamtuam, poster leh lim tungtawn panin ahi zongin, a nawngkaisakte thukhun zui-in thu a bawl uh ahi hi.
Source: The Irrawaddy Burmese
……………………………………
