Tun kha 5, 2026❖ THE TEDIM POST
Falam Township sung, Mizo gam leh zanggam sunga om Falam gamsung pan galtai mi 600 val tungah Chin National Organization (CNO) in annek tuidawn leh tuipuante hawmkhia thei ci’n CNO Humanitarian Department pan Secretary Cung Ngai in pulakna nei hi.
Hih vai tawh kisai-in Cung Ngai in, “Tu-in Falam gamsung leh zanggam lamah ka pia uh hi. Hih nasepna man nailo-in kisepsan laitak hi. A kigawmin mi 600 val, innkuan 200 kiim kipia khia khin ding hi,” ci-in gen hi.
A beisa 2025 kum, No kha kipat lam panin SAC galkapte in Falam khuapi manawhin galkap hong puakbeh uh a, tua hangin Kalay khua nunglam leh Falam gamsunga teeng mi 20,000 valte gamlak ah galtai-in om uh hi.
SAC galkapte in 2025 kum, Phal kha 27 ni kiim panin Sagaing gam, Kalay gamsung pan galkap tha 1,000 val zangin Kalay-Gangaw lampi dung zui-in hong kuan uh hi.Lampi dungah Chin minam thautawite tawh kikapna om a, kha 3 sung bang hita hi.
Source: Chin World
