Zing kha 12, 2026 ❖ THE TEDIM POST
SpaceX company in stock market pen Laithaini (June 12) teh hon sawm uh a tua ma in bank tuamtuam pan dollar billion 75 bang ngah khin hi. SpaceX te in stock market a hon khit uh teh a company uh mimal in nei thei ding leh share neih thei dingin om hi. SpaceX in hih dollar billion 75 man mimal in company a neih na uh pen share 1 ciang dollar 135 man hi ding hi ci uh hi. SpaceX te stock market vekpi gawm pen a kihon khit teh dollar trillion 1.8 man ding in ummawhna om hi.
Hih thu tawh kituak in CEO Elon Musk pen leitung bup ah mihau pen a hih khit banah leitung buppi ah trillionaire masa pen hito lai ding hi. SpaceX in company neihsa share pan 5% bek zuak phot ding uh hi. Hih share te Initial Public Offering (IPO) ah ong kizuak, ong kilei thei khin leh pen mi te’n a deih dan uh tawh kituak in a man kikhelna om ding hi.
Laithaini stock market a kihon teh share 1 pen dollar 135 sang a tamzaw in hong kizuak thei leh SpaceX pen leitung buppi ah company manpha pen hong suak pah ding hi.
Source: BBC
