Arakan Army (AA) te khutnuai a om ahi Mrauk-U township, Thamarat veng (ထမ္မရာဇ် ရပ်ကွက်) zatopi ah SAC galkapte in December 10, 2025 in bomb khiat uh hi.
Hih thu huhau in damlohna vai tawh zato lum ahi naupang kha thum pha khat kihel in mimal 33 in hong nusia uh hi. Mimal 79 in nasiatak in liamna ngah uh hi cih AA in thusuahna nei hi.
Hong nusiate luangte a innkuanpihte in innlam ah ciahpih kik uh a, a luang kimu lo pawlkhat zong om hi cih khuasungmi khat in pulakna nei hi.
Hih bangin mipi neihsa zatopi ah Bomb a khiatna uh hangin ki lungkim hetlo a, hong nusiate a ding thuman ngahkik na dingin nasiatak in thukkikna om ding hi cih zong AA in pulak beh hi.
Kum kipat pan November 28, 2025 dong Rakhine state sung ah SAC galkapte in vanlam tawh 29 vei do uh a, mimal 190 in hong nusia hi cih zong pulak uh hi.
Source: BBC Burmese
……………………………………
