Ukraine gam khuanote a teng mi 52 bang Russia ah kipuak hi. Hih mite pen Russia galkapte in gamgi kiim ah a mat uh hi in Hrabovske khua-a tengte hi cih Kyiv khua pan thuneite in gen uh hi. Hih thu pen December 20 zan a piang hi a, Russia galkap mi 100 bang in hih khuano pen luh uh hi cih thu Ukraine galkapte thugen pa Viktor Trehubov tung pan kitheikhia hi. Ukraine gam mite pen biakinn khat ah kikoihphot in tua khitteh Russia kipuak hi ci uh hi.
Russia in hih thu tawh kisai bangmah gen nailo himah taseleh, Ukraine te in a upmawh dan un hih mite pen Belgorod ah kipaipih kha thei ding ci uh hi. Belgorod pen Russia gamgi pan tai 50 bang a gamla a hi hi.
Ukraine gamsung thuneite in a mite uh pen gamgi lam pan khuasung lam ah tuah theih nading hanciam uh a, ahih hangin gamgi kiim a teeng mipite a tamzaw kituah nuam lo uh ci hi. A kiman 52te pen a tamzaw uham lam hi uh in khuasung ah kituah nuamlo te lakah kihel uh hi. Hih a kimante lak ah naupang a kihel lam President Zelensky thugenna tungtawn in kitheih beh hi.
Source: BBC
