Kiteelpi khenpi masa ah galkap luite’ makaih ahi USDP party in mapiak mee (ကြိုတင်မဲ) khiatna panin a zo khinsa hi ci-in, party makai pawlkhat in pulakna nei uh hi.
Tua tawh kizui-in mapiak mee tawh kisai USDP party lo buang party dangte in, hih kiteelna pen a thuman kiteelna mah hiam ci-in dotna nei ngeingai uh hi.
SAC makaipi Min Aung Hlaing kiangah hih tawh kisai thu a tun theih nadingin People’s Party, Shan Nationalities Democratic Party (ကျားဖြူပါတီ) leh Myanmar Farmers Development Party te in lai khak uh hi.
UEC leh party tuamtuamte’ kimuhkhopna ah zong hih tawh kisai kilim gen mahmah hi, ci-in Myanmar Farmers Development Party President U Kyaw Swar Soe in gen hi.
Source: BBC Burmese
