Thai leh Combodia gamgi buaina pen December 7 ni zan in kipan kik a, December 8 ni zingsang ma in nasia khin pah hi. Thai te’n Cambodiate pat kik hi ci-in ngawh uh a, tua mah bang in Cambodiate in zong Thaite pat kik hi ci uh hi. Thai galkap khat leh Cambodia mi li te in a nuntakna uh piakhia khin cih thu kithei hi.
Thaite Prime Minister Anutin Charnvirakul in Pizingni (Monday) a, a thugenna ah ka gamgi uh leh ka gam uh humbit nading in a kisam bangbang sem ding hi ung. Cambodia te’n hih kido na a khawl ding a deih uh leh ko cih bangin a gamtat uh kul dinga, tua lo buang kihona ka nei kei ding uh hi cih tangko khia hi.
Cambodia galkap te’n a hih leh ko kilemma tawh kizui in gamtaang ungh, hih buaina pen ka pat kik uh hi kei ci uh a. Cambodia te’n leitung gam khempeuh in Thailand te gamtat dan pen a hoih loh luat lam telcian ding in ngetna nei uh hi.
Thai galkapte 18 liam cih thu Thai kumpi te’n gen uh a, Cambodia kumpi te gen dan ah amau’ miliam 9 nei uh ci hi.
Source: Reuters
