United Nations (UN) phualpi ah thu kikupna tungtawn in, 2026 kum sung a kihawmkhia ding sum vai (aid budget) a kikup na vuah tukum sung’ a hawmkhiat zah uh a lang bek maikum ah hawmkhia zo ding cih thu kitheikhia hi. A hang pen sum piakhia mi (donor) a kiam hang hi a, hih thu pen leitung mun tuamtuam ah huhna tampi a kisap laitak lian in piang sese hi.
UN te gen dan hileh, maikum teh huhna sum piakkhiat ding mak 2,300 ($23 billion) bang a om hang tu laitak lian a huhna kisam mi awn sawm val bang huh thei lo ding dinmun ah ding uh ci hi.
Tu ma kum khat lai-in, UN te in tu kum sunga zat ding in sum mak 4,700 ($47 billion) seh uh a. Himah taseleh, a seh zah uh pen USte kumpipa Donald Trump leh gamdang Germany cihte in a sum piak zah uh a khiapna huhau in huh ding a kilawm zah huhgai zolo lian uh hi.
January kha pan November kha kikal a sum piakkhiat zah uh pen mak 1,200 ($12 billion) bek ong pha a, tukum sung a hawmkhiat uh sum pen a beisa kum sawm sung pan a tawmpen hong suak hi. Hih mak 1,200 tawh mi seh li suah seh khat bek huh zo uh hi. Maikum sung sum zat ding a sehsa a hi mak 2,300 tawh mi awn 87 bang huh ding in vaihawm uh a, huh ding mi awn 87 lak pan, Palestinian mi te huhna kitam piak pen ding ci uh hi.
Source: Reuters
