Britain gam mi khat pen Australia gam pan Nazi ciaptehna a lakkhiat det manin a visate kicancel sakin a gam ah kipuak kik sawm hi. Hih mipa pen kum 43 mi hi in Queensland ah teeng a, tu kha kipat lam in Nazi kipawlna tawh kisai ciaptehnate social media tungah a lakkhiatna hang tawh a kiman khin ahi hi. Social media tungah Nazi kipawlnate upna pen up ding hanthawn in Jew mite huat ding zong hanthawn lai hi.
Hih pa pen gamdang mite kikepna mun Brisbane ah kikoihphot in January kha teh a gamtatna tungtawn in thukhenna kinei ding hi. November kha sungin zong Australiate Home Affairs Minister pa Tony Burke in 2022 pan Australia gam a lal South Africa mi Matthew Gruter, New South Wales parliament innpi mai ah Nazi upna hanthawnte pawi ah a kihelna hangin a visa na nawlh khin ngei hi.
Gruter leh British gammipa te in Australia gam pen amau thu in paisan thei uh a, ahih keileh a gam ciat vuah a kipuakkik ding hun ngak thei uh hi. Hih British gammipa pen October kha a kipan palikte in a thu a na kankan khin uh a hi hi. November kha tawp lamah thuneite in Caboolture khua ah a inn a va luh uh ciangin phone khat sang a tamzaw, galvante leh namsau Nazi te ciaptehna swastika tawh kizem mu uh hi.
Source: BBC
