South Korea a om university minthang diak pawl khat in a sang vua kah nuam sangnaupang a pil deuh pawlkhat ten a lawm-le-gualte uh simmawh ngei cih thu a theih uh ciangin a sang siauhna uh nolh uh hi.
Seoul National University (SNU) ah bang hileh sangnaupang nih a matte khawng uh hoih in amau zong a pil uh hang, a sang kah lai un a lawm-le-gualte simmawhna ah kihel uh ahih manin a sang siauhna lai uh kinolh hi. Hih sangnaupang nihte pen university minthang gukte in a nolh uh mi 45 te lakah kihel uh hi.
Tu kum laisin kum ading Kyungpook National University ah a siau sangnaupangte lak pan sangnaupang 22 a mizia uh a hoihloh manin sanglam thunei ten a siauhna laite sang lo uh ci hi. Tua mah bang in, Pusan National University te in zong sang naupang giat bang mizia hoihlohna tungtawn in nolh uh hi. Kangwon National University leh Jeonbuk National University ten zong mi nga tuak nolhna nei uh hi.
Maikum a kipan, Korea gamsung a om university khempeuh in hih dan in sangnaupang ten a lawm-le-gualte uh a simmawhna thu a theih vua leh CSAT laiphina ah mat kikhiap sak ta ding cih pulak khia uh hi.
Hih thu hong pian theihna hang pen Sitni Chung Sun-sin tapa in a lawm-le-gualte a simmawh hangin Seoul National University (SNU) ah kisang in a CSAT mat zong mat nih bek in a kikhiap sak man ahi hi.
Source: The Times of India
……………………………………
