Tun kha 28, 2026 ❖ THE TEDIM POST
Tun kha 21, 2026 (February 21,2026) in US leh Israel te in Iran gamah bomb khia uh hi. Hih thu huhau in Tun kha 28,2026 (February 28,2026) in US nai, nai 9 hun ah “Operation Epic Fury” cih min pua in Iran gam bomb khiat leuleu uh hi. Iran gam mun tuamtuam ah bomb a kiat hang in, a gam uk kumpi pa uh a hi Supreme Leader Ayatollah Ali Khamenei inn kiim teng ah kia masa hi.
Iran te in zong thukkik pah in Israel gam lam ah bomb lawnpah uh hi. Isreal Defense Forces te in Aerial Defense Array cih van zangh in bombte a tukma in na dal man uh hi. Kiginna ding aw ging (sirens) te zong Jerusalem leh Tel Aviv banah, Israel gambup ah kiza hi.
Israel leh US te kipawlna a hang pen Iran gamsung a om a lauhuai ukpite do nading hi ci’n Israel te kumpipa Benjamin Netanyahu in pulak hi.Tua ban ah US kumpipa Donald Trump in zong Israel te’ ading a lauhuai thei dingte hepkhiat nading a kisem hi ci in pulak hi.
Source: Fox News
