Ukna buluah SAC in a 20 veina galkap siamsin sakna honpawi galkap phualpite (Regional Headquarters) ah nei thei uh hi ci-in Dec 16 in pulak uh hi.
Galkap lutloh pelmawh thukhun (Military Service Law) pen a beisa kum February in SAC in tangko a, khenpi khat ah mimal tul 5 ta kihel dingin geel uh hi. Tua mah bangin tun ahihleh khenpi 20 na hita ci ahih man un galkap sin mimal teng 1 kiim hita ding ci-in galkap CDM khat in gen hi.
Myanmar gam sungah galkap lam leh gamsung kikepziate a encik kipawlna ahi Myanmar Defense and Security Institute (MDSI) in November ciang a etna uh ah galkap siamsinna khenpi 15 ciangciang galkap siamsin mimal 71,150 bang pha ta ci-in gen uh hi.
Source: The Irrawaddy Burmese
……………………………………
