Tun kha 15, 2026 ❖ THE TEDIM POST
Chin State, Tedim Township, Tungzang gam, Citui lui, Pa Go Suante’ lo gei ah Tun kha 15, 2026 ( Feb 15,2026) ni-in mawtaw pai laitak khat kang hi. A kat ciangin Tungzang khuasung khangnote kiang ah kiko pah a, Tungzang khangnote in ahih theih zah un huh pah uh hi. Mawtaw tung a tuangte kuamah aliam abai om lo-a, a mawtaw a hih leh laktheih ding bangmah om nawn lo hi.
Mawtaw tuang mite pen Tedim pan Philnak lam ah a pai uh hi a, mi sawm kiim pha uh hi. Tedim lam zuan dingin hong ciah kik na vuah hih bang a tuak ahi uh hi. Mawtaw tung tuangte pen Tungzang khuasung mite in Tedim a tun dong vaipuak la ding uh ci hi.
Tua mun ah nidang in zong mawtaw, cyclete kibung zelzel thei hi cih thu facebook laimai tung panin kithei khia hi.
Source: Thang Lian Chin
