Tun kha 28, 2026 ❖ THE TEDIM POST
Tun kha 24,2026 (February 24,2026) in Mizogam Chief Minister ahi Pu Lalduhawma in a Parliament inn ah kimuhkhopna ah Mizo kitenna leh neihsa golegam luahna 2026 ah puahphatna upadi (The Mizo Marriage and Inheritance of Property (Amendment) Bill, 2026’) pen kikup ding in thusungna nei a, kikum pah uh hi. A thu kikupna uh tungtawn in Mizote’ kitendan leh gamh kihawmzia a kikhel nading thukim pih gai uh hi.
Pu Lalduhawma in a thugenna ah “Kitenna i a paizia khempeuh pen numei leh pasal huamkim ding in kibawl hi a, tu a paizia thak ding pen numei leh pasal Mizo tuak a hite leh a pasal kia Mizo a hih leh bek huam ta ding hi. A numei Mizo hi in a pasal namdang a hih leh hih paizia thak in huam nawn lo ding a, Mizo a hihna uh bei ta ding hi. Namdang a tenpih Mizo numeite in ta a neih uh teh a tate uh pen tribal kici thei nawn lo ding hi.”
Gamh kihawmdan tawh kisai ahih leh numei in inn sung ah sum a zon leh a gam un za ah sawm nga tang thei ding cih paizia thak ah kihel ding hi. Tua te banah pasal in zi khat sang a tam zaw nei thei lo ding cih zong kihel lai hi.
Hih dan paizia thak pen tulian in a kizuih nai loh hang in Mizogam mipite a sukha mahmah thu khat hi.
Source: The Aizawl Post
