Yangon East Dagon, New Life Mission Church ah Pasian nasem Syama Niang Deih Lian (Niangnu) tungah khutlum a nga Daw Mi (ဒေါ်မိငယ် (ခေါ်) နော်မေလွှမ်း) pen East Dagon thukhenpi zum pan Dec 8 in mawhmaisakna kipia hi cih thu Sitni Cing Theih Kim in gen hi.
Hih vai pen a beisa Aug 20 in New Life Mission Church ah thupiang hi a, thubawl pen Pau Kim Tuang ahi hi. Thukhun 194/323/506 tawh thu kibawl hi a, a thuak pen Syama Niang Deih Lun hi-in a mawh pen Daw Mi ahi hi.
Mawhna a bawlte lam panin mawhmai sakding ngetna tawh kizui-in maisakna kinei hi ci-in Sitni Cing Theih Kim in gen hi.
Aug 20 nitak nai 6:00 pm pawlin kum 25 gual Syama Niang Deih Lian kiangah a meltheih ahi Daw Mi sum leitawi ding dan in pai a, a tat zawt nawn loh dong satgawp in a innsung luhgawpa ve hi. Syamanu bel a vengte huhna tawh Ambulance tawh North Okkalapa zatopi ah kipuak pah hi. Tun ahih leh Syamanu nuamtuan ta cih thu zong kiza hi.
Mawkmai sakna omlo hileh Daw Mi pen Insein gilbeem ah lut ding hi a, tano nei khat ahihna leh a pasal in zong thumsakna tawh Syamanu zong lungkim ahih manin a kimaisak uh ahi hi.
Source: Chin World
……………………………………
