Tun kha 12, 2026 ❖ THE TEDIM POST
Myanmar gamsung ah kilemna leh thu kikupna a om theih nading lunggulhna tawh kalmasa ding in gilbemtangte khahkhiat ding 2026, Asean chairman ahi Philippines in a 79 veina Union Day ah thusungna nei hi.
2021 pan gamvai hang in gimbemtang tampi a khahkhiat uh hang in hihsang a tam zaw hong khahkhiat nading uh Philippines bek hilo in Asean bup in kilunggulh hi.
Gilbemtangte khahkhiat ding thu pen Asean in kipsakna a neih thu 5 ( 5 points Consensus) lak ah khat in kihel hi cin pulak hi.
AAPP( Assistance Association for Political Prisoners) te ciaptehna zui in Tun kha 1,2021- Tun kha 11,2026 sung ah gamvai hang in gilbemtang mimal 30,000 val a kimatna ah mimal 22,000 val gilbem sung ah om lai uh hi.
Myanmar gam sung kilemna ding leh Democracy ngah nading in gamdangte kisam masa lo a, gamsung ah minambup kilemna tawh kipat ding ahi hi ci’n 79 veina Union Day ah General Min Aung Hlaing in pulakna nei hi.SAC in ahih leh gamsung daihna a lunggulh mipite tawh khut kilen in hiamtawi langpangte kido kik ding hi cih zong pulak beh hi.
Source: BBC Burmese
