Khuado kha 3, 2026 ❖ THE TEDIM POST
“Myanmar gam makai ahi Daw Aung San Su Kyi leh International Committee of the Red Cross (ICRC) makai Mr. Arnaude de Baqque te Khuado kha (August) 3, 2026 ni-in Daw Aung San Su Kyi omna ah kimuhna nei uh hi,” cih thu SAC te’ thugenkhuan nei Daw Khine Khine Soe in Telegram account panin suak sak hi.
Tua suahsakna sung ah maan 4 kihel hi. Tua lak pan 2 pen ICRC makaipa leh Daw Aung San Su Kyi te’ kimuhna maan hi a, a dang nihte ahih leh Gam kha (June) 19, 2026 a Daw Aung San Su Kyi’kum (81) cin suahni pawi bawlna maante ahi hi.
Daw Aung San Su Kyi a kimat zawh, a nungta lai ahihna a kitheihsaknopna huhau in SAC in a beisa Dopi kha (April) 30, 2026 ni-in MRTV pan Daw Aung San Su Kyi suaksak uh a, tu a tawh hileh a nih veina hi ta hi.
Hi mah leh, Daw Aung San Su Kyi’ tapa a kihel mipi pawlkhatte in a innkuanpihte tawh a kimuhsak ding uh lunggulhna pulak lai veve uh hi.
Source: DVB TV News
