Naypyitaw ah November 7 a kibawl ahi Military Royal Ceremony ah General Min Aung Hlaing zong kihel in Y8 vanleng 2 leh Mi 38 galvanleng 3 te SAC in lakkhiatna nei uh hi.
SAC te lakkhiat ahi vanleng Y8-F200W nihte pen May leh June kha sungin Sen gam pan a lei uh ahi hi. Hih vanleng nihte pen June sung in Sen gam, Kumi vanlengtual ah a om laitak Myanmar Witness te-in mukhia uh a, maan tawh mipi theih dingin zong a lakkhiat ngeisa uh ahi hi.
Myanmar Witness i cih pen Myanmar gam sung ah mihingkhat ngah ding hamphatna a ki palsatte Planet tungtawn in a khahkhia kipawlna khat ahi hi.
A lakkhiat uh Y8 vanleng namte pen transportation ading aki zang nam himahleh SAC te in mipite vanlam pan a dona dingun zang uh hi cih vanleng lam tawh kisai vaipuak anei CDM khat in pulakna nei hi. Vanlengte pen American dollar 25 – 40 million kikal man a, a lui hileh dollar million 10 kiim man hi cih zong pulakna nei hi.
SAC te in 1988 laipekin Y8 vanleng 8 Sen gam pan leikhin uh hi. 2011 – 2025 kikal kum 15 sung SAC te neih vanleng/galvanlengte lakna pawi 15 vei kibawl khin hi cih General Min Aung Haling in pulakna nei hi.
Source: BBC Burmese
……………………………………
