Philippine gam Manila khuapi ah September 18 – 21 sung a kibawl leitungbup setyout kidemna (World Robot Olympiad Asia Pacific Open Championship) ah kum 10 gual kiim naupang 3 a kihelna We Are Genius Myanmar team in a khatna hong ngah uh hi. Hih kidemna ah gam 24 pan team 108 kihel in kidemna nam 4 in a kikhen ahi hi.
Tua nam 4 lak pan nam khat a, kihel ahi Future Innovator – junior ah Myanmar gam pan We Are Genius Myanmar naupangte in AI tawh kithuah motor (AI-Powered Search and Rescue Robotic Car) tawh a khatna a ngah uh ahi hi. Hih motor pen zinlingna a kipan natural disasters tuahna munte ah a si a liamte zong nading leh mihing pai theihlohna munte ah zat theih ding ngimna tawh a bawl uh ahi hi.
Source; The Irrawaddy Burmese
