Hello! Dam maw Zomi! Tedim Post pan hong muakkik ung. Tuni Kau kha ni 28 (Nipini) December 28, 2025 kal khat sung Zogam thuthangte genkikna hong nei ning.
A kihel ding thulute in-
➤ TEDIM TOWNSHIP A OM KUMPI NASEM KHEMPEUH IN MEE PIAK HAMTANG DING TUNGSIAH LAMPAN SAWLNA KINEI
➤ SAC TE’ MAKAIHNA TAWH KIBAWL KITEELPI HUN SUNG TENG TEDIM TOWNSHIP A OM MIPITE PUSUAH LOH DING PDF-ZOLAND IN PULAK
➤ CHIN STATE, HAKHA TOWNSHIP LEH TEDIM TOWNSHIP AH SAC TE’ MAKAIHNA TAWH KIBAWL KITEELPI MEE PIAKKHOLHNA AH USDP PARTY IN ZO
➤ SAC TE MAKAIHNA TAWH KIBAWL DING KITEELPI KIDEMNA AH FALAM,THANTLANG LEH TONZANG KHUA 3 TE KIHEL LO
➤ HAKHA TOWNSHIP A OM GALKAP LEEN CDF-HAKHA IN DO
➤ MINDAT TOWNSHIP AH SAC IN BOMB A KHIATNA HANGIN MIPITE’INN 7 KISIA
……………………………………
➤ TEDIM TOWNSHIP A OM KUMPI NASEM KHEMPEUH IN MEE PIAK HAMTANG DING TUNGSIAH LAMPAN SAWLNA KINEI
“Chin State, Tedim Township a om kumpi nasem khempeuh te December 28,2025 ni a kibawl ding kiteelpi ah kihel hamtang ding thu a mau sepna tek ii tungsiah lampa’n sawlna ki nei hi”cih kumpi nasem pawlkhatte’ tung pan kithei khia hi.
“Cidamna tawh kisai nasemte bek hilo in, kumpi nasem limlim Tedim a om khempeuh in employee card leh NRC pua in mee piak ding hong kisawl hi. “Mee piakloh na huhau in buaina khat peuhpeuh a om leh department tawh kisai lo in, mee pialo pen vaipuak hi ding hi.”cih genna hong kinei hi.”ci-in kumpi nasem khat in pulakna nei hi.
……………………………………
➤ TEDIM TOWNSHIP A OM KUMPI NASEM KHEMPEUH IN MEE PIAK HAMTANG DING TUNGSIAH LAMPAN SAWLNA KINEI
“Chin State, Tedim Township a om kumpi nasem khempeuh te December 28,2025 ni a kibawl ding kiteelpi ah kihel hamtang ding thu a mau sepna tek ii tungsiah lampa’n sawlna ki nei hi”cih kumpi nasem pawlkhatte’ tung pan kithei khia hi.
“Cidamna tawh kisai nasemte bek hilo in, kumpi nasem limlim Tedim a om khempeuh in employee card leh NRC pua in mee piak ding hong kisawl hi. “Mee piakloh na huhau in buaina khat peuhpeuh a om leh department tawh kisai lo in, mee pialo pen vaipuak hi ding hi.”cih genna hong kinei hi.”ci-in kumpi nasem khat in pulakna nei hi.
……………………………………
➤ SAC TE’ MAKAIHNA TAWH KIBAWL KITEELPI HUN SUNG TENG TEDIM TOWNSHIP A OM MIPITE PUSUAH LOH DING PDF-ZOLAND IN PULAK
Tedim Township leh Tedim khuasung ngiat a om khuasungmite SAC makaihna tawh kibawl ding kiteelpi hun sung ahi December 26-28,2025 ni 3 sung teng mipite bitna ding in kuamah pusuak lo-in, inn tek ah om nading leh khuakim khuapam a omte zong tua ni 3 sung teng Tedim pai loh ding pulakna December 26,2025 ni-in PDF-Zoland in PDF-Zoland ii facebook laimai pan tangkona nei uh hi.
……………………………………
➤ CHIN STATE, HAKHA TOWNSHIP LEH TEDIM TOWNSHIP AH SAC TE’ MAKAIHNA TAWH KIBAWL KITEELPI MEE PIAKKHOLHNA AH USDP PARTY IN ZO
SAC te’ makaihna tawh December 28,2025 a kibawl ding kiteelpi ah Hakha Township leh Tedim Township ah December 26,2025 ni-in khual a omte a ding meepiak kholhna kinei a, a kisim ciang in USDP party in a kidempih party dangte meetang tampi tawh zo hi.
Hakha Township ah khual a omte piakkholh meetangte a kisimma tungtawn in; PyithuHluttaw ah Khumi party in meetang 13, New Chinland Congress Party in meetang 40 cih bang ngah in USDP in meetang 628 ngah hi. AmyothaHluttaw ah PPP in meetang 19, USDP in meetang 642 cih bang in ngah hi. PyineHluttaw ah New Chinland Congress party in meetang 42 ngah in USDP in 638 ngah hi.
Tedim Township ah zong tuamah bang in kibawl a PyithuHluttaw ah New Chinland Congress party in meetang 22, ZNP in meetang 68 leh USDP in meetang 184 ngah hi. AmyothaHluttaw ah New Chinland Congress party in meetang 14, ZNP in meetang 70, PPP in meetang 2 leh USDP in meetang 187 ngah hi. PyineeHluttaw a ding in ZNP in meetang 73, New Chinland Congress party in meetang 17, USDP in meetang 183 ngah hi.
……………………………………
➤ SAC TE MAKAIHNA TAWH KIBAWL DING KITEELPI KIDEMNA AH FALAM,THANTLANG LEH TONZANG KHUA 3 TE KIHEL LO
SAC khutnuai a om ahi kiteelpi makai UEC in khen 3 suahin 2026,January khasung in kiteelpi bawl ding khensatna nei uh hi. Party tuamtuam kidem thei a, Chin State panin zong kidem theih nading mun a tangkona lak vuah Falam, Thantlang leh Tonzang kihel lo hi.
Chin State sung Township 5 ah kiteelpi kibawl theih ding in a tuunglai in pulak khia uh himah leh December 28,2025 ni-in kibawl ding kiteelpi ah Hakha leh Tedim bek hong kihel in Thantlang, Falam leh Tonzang khua 3 te hong kihel lo hi.
……………………………………
➤ HAKHA TOWNSHIP A OM GALKAP LEEN CDF-HAKHA IN DO
Chin State, Hakha Township, Rungtlang a om galkap leen khalahyah 266 leh, ၆လမ်းဆုံ kiim leh Rungtlang ah December 26,2025 zingtung 6:30am pawl pan kipanin CDF-Hakha leh SAC te kidona om hi. Kidona nasia mahmah a, SAC te in thaupi leh Jet Fighter 2 zangin khuasung ah bomb khia kawikawi uh hi.
“Zingtung 4:00am pawl panin bomb ging kiza hi. 6:30am kiim panin kido kipan a, Rungtlang a SAC te omna leen zong meikuang khawng zong kimu hi. SAC te’n khuasung ah bomb a khiatna uh hangin khuasung a om innkhawi ganhing pawlkhat leh innlelo pawlkhat kisia hi. Bomb gin kipat panin khuasungmite mun muanhuai zaw beel in ki-om ngeingai ahih manin a liam a bai kuamah om lo hi.”ci-in khuasungmi khat in pulakna nei hi.
SAC te bomb khiat pen Chin Christian University sanghuang sung ah khatvei, Galilee Baptist Church a tunglam leh a nuailam ah khatvei tuak, ကျောဘုတ်-မတူပီ paina lampi ah nihvei cih bang in khuasung ah tang 5 kia hi. Tuate in innlelo kisia-in ganhingte si sak hi.”ci-in khuasungmi khat in pulakna nei hi.
……………………………………
➤ MINDAT TOWNSHIP AH SAC IN BOMB A KHIATNA HANGIN MIPITE’INN 7 KISIA
Chin State, Mindat Township ah December 25,2025 ni nitak 5:20 kiimpawlin SAC in vanlam tawh bomb khiat hi. Tua huhau in Mindat khuasung a mipite inn 7 kisia hi cih Mindat a la CDF-Mindat i pulakna tungtawn in kithei khia hi.
Source : Chin World, PDF-Zoland
