Tun kha 22,2026 ❖ THE TEDIM POST
Chin State, Falam khuapi manawh in a pai SAC galkapte leh Falam leitang bulphuh in a om minam thautawi kipawlna CNO/CNDFte Tun kha 21, 2026 zingsang dong kidona om hi. Tua kidona sung ah SAC galkapte mi nih in hong nusia in, mi khat kihingmat a, khat pen CNO/CNDFte’ khutsung ah ki-ap hi ci-in CNO/CNDFte in Tun kha 22, 2026 (February 22, 2026) in pulakna nei uh hi.
CNO/CNDFte pulakna tungtawn in minam thautawite in SAC galkapte khutsung pan a lak uh galvan tuamtuamte zong kimu thei hi.
Tuaban ah CNO/CNDFte’Sniper teamte in SAC galkapte zankim laitak a dona uh video zong khahkhia uh hi.
SAC galkapte in Falam khuapi ngahkik nading in a hanciam uh kha 4 sung bang hong val ta hi. Tua sung in galkap mimal tampi behlap khin uh a, tampi mah in zong nuntakna suplawh khin hi.
Source: Chin World
