Mon state, Belin township, Pyinmapinseit khua (ပျဉ်းမပင်ဆိပ်ကျေးရွာ) ah SAC in October 9, 2025 zanhun 8:00 pm kiim in vanlam pan bomb akhiatna hangin sangnaupang 5 si hi cih thu KNU Thaton District Brigade 1 in pulakna nei hi.
Hih bombkhiatna hangin a liam mimal 9 zong om a, mipi te’ teena inn 11 kisia hi. SAC galkap te-in Jet fighter tawh 500lbs agik bomb tang nih a khiat uh ahi hi.
SAC in thumanna a om theihna dingin kiteelpi bawl ding hanciam uh acih hangin, mipi thautawi kipawlna te khutsung a om mun pawlkhat ah van lam pan do kawm veve uhhi cih KNU Thaton District in pulakna nei hi. Hih bang in vanlam pan galvan lian pipi tawh a donate uh hangin khuasung a om mipi te nakpi in patau mahmah uh hi cih zong pulakbeh uh hi.
Source: BBC Burmese
