SAC galkapte leh KIA te Kachin state, Bhamo khua ah a kidona uh pan SAC te phualsatna mun thum KIA in lazo bek thamlo SAC lam pan a zaliante a kihel mimal 30 kiim in hong nusia cih pulakna om hi.
October kha kal masa sung tengin SAC lam pan galkapbu mimal 3 a kihel galkap 30 in KIA tawh kidona hang in hong nusia khin uh ahi hi.
SAC lam pan khalahyah 237, khamahyah 387, khamahyah 415 pan galkap makaite leh galkap naltangte si uh a, October 9 in SAC te phualsatna mun 3 KIA in lazo hi cih zong kipsak pulakna nei uh hi.
Source: Ayeyarwaddy Times
