Bago region, Minhla township ah ukna buluah SAC makaihna tawh a kibawl ding ahi kiteelpi khamna in mee pia thei dingte minsaziante ki haltum hi ci’n Tharyawaddy District Battalion in pulak hi.
SAC in hih kitelpi pen December 28 pan kipan in khen thum kisuah ding a, khen masa pen township 102 ah kibawl masa ding hi ci’n pulakna nei uh hi. September 30 – October 13 dong mee pia thei dingte min sazian amau veng teng ah kisuang ding hi.
SAC makaihna tawh kibawl ding hih kiteelpi pen mipi galkap te’n deihlo in a langpang mah bangun SAC galkapte in zong kitelna nawngkaisak cih thulu tawh kumcing nai lote nangawn zong matna nei uh hi. September 30 dong kiteelpi nawngkaisak cih thulu tawh zum ah thu kinei bekbek mimal 64 pha hi cih Minister of Home Affairs in pulakna nei hi.
Hih kiteelpi ah ki helding gambup aitang a dem ding Party 6 pan teelcing tangmi 3,961, Region leh State pan a dem ding party 51 pan teelcing tangmi 966, khattang a kidem ding mimal 96, vekpi gawm mimal 5,023 kidem ding hi cih zong pulakna nei uh hi.
Source: Myanmar Now
