2025 kiteelna ah political party 57 pan leh mimal in a kidem dingte kihel mimal 5,000 kiim in min sazian pia uh hi ci-in Union Election Commission (UEC) September 23 ni-in pulak uh hi. Tua lak-ah Gambup huam in a dem ding party 6, region/ state ah kidem ding party 51 leh mimal in a dem dingte kigawm vekpi min sazian pia mimal 4,963 pha hi.
Tangmi dingin min sazian pia lak pan Union Solidarity and Development Party (USDP) pan in mimal 1,018 tawh a tam pen hi-in, National Unity Party (NUP) pan mimal 694 tawh a nihna ah om a, mimal 672 tawh People’s Pioneer Party in nungzuih hi. Tua ban ah Shan and Nationalities Democratic Party (SNDP) pan mimal 584, People’s Party pan mimal 512 leh Myanmar Farmers’ Development Party pan mimal 428 cih bangte in gambup huam dem ding in min sazian piakna nei tek uh hi. Region/ State ah a dem ding party 51pan mimal 960 leh mimal in a dem ding mimal 95 om hi.
Tangmi kidem dingte min sazian piak theih hun pen September 8-22 kikal hi-in, September 23 – October 4 dong tangmi dingte khaihkikna kinei ding hi. December 28 ni-in kibawl ding kiteelna ah meekuang lui nading mun 712 om hi ci-in UEC in gen hi.
2010 kum-in kiteelna a dem ding ten deposit sang nga, 2020 teh sang thum leh 2025 ciang sang nga cih bangin ciangtanna UEC in nei hi.
Source; BBC Burmese
