Tun kha 9, 2026 ❖ THE TEDIM POST
KIO (Kachin Independence Organization) ah nasep zawh kum 50 a phate Tun kha 5, 2026 in Laiza khua ah a kibawl ahi 65th Kachin Revolutionary Day bawlna ah Gold Medal Award pia in pahtawina kinei hi.
Pahtawina a ngahte ahih leh KIO Vice-Chairman General Gam Shawng, KIO Central Education Office (Basic Education) Sayagyi Htungga Yaw Sau leh KIA Military Headquarters Lieutenant General Uh Di Awn te ahi uh hi.
Hih pahtawipiakna pawi ah KIO/KIA General N’Ban La leh General Gun Maw te tawh KIO/KIA Officers te zong kihel thei uh hi.
KIO ah nasep zawh kum 10 pan kum 40 kikal a phate zong pahtawina laipi (Certificate) piakna nei uh hi.
KIO Chairman General N’Ban La in gamvaitak (politically) tawh gualzawhna ngah theih nading hanciam ding hanthawtna nei hi. Tulaitak ukna buluahte lehdona ah lunggulhna mun i tun nai loh hang galphual (frontline) ah gualzawhna pawi a ki bawl mah bangin KIO khutnuai ah a omte zong gamvaitak tawh kician takin kepcing nading kihanciam hi ci-in pulak hi.
Source: BBC Burmese
