Tun kha 3, 2026❖ THE TEDIM POST
KIA/KPDF (Kachin Independence Army /Kachin People’s Defense Force) kipawlna leh SAC galkapte kidona a nasiat na mun ahi Kachin State, Hpakant ah SAC galkap khat leh pyituhsit nga a kigawm mi gukte galvan pawlkhat tawh KPDF tung ah ki-ap uh hi ci-in KPDF in pulak hi.
Hih mimal gukte pen Hpakant khua, Mashi Ka Htaung(မာရှီကထောင်)veng pan KPDF tung ah a ki-ap uh ahi hi.Hih mimal guk lak ah khat pen Tun kha ni 2, 2026 ni-in galvan pawlkhat tawh ki-ap a, a dang ngate a hih leh ni 3,2026 ni-in ki-ap uh hi ci’n KPDF in pulak hi.
KIA/KPDF te thuneihna nuai ah a om ahi Seik Mu (ဆိပ်မူ)khua lam manawh in SAC galkapte in a dona uh huhau in tulaitak kidona nasia mahmah hi ci-in galvai thutheite in gen hi.
Hpakant khuapi, Myoma veng a om ahi No. 1 Sangpi (High School) sunga naupang sanginn (preschool) tungah Tun kha 2 ni-in bomb a kikhiatna huhau in sangnaupang nih in liamna ngah uh hi.
KIA/KPDF in kuate in hih sanginnpi tung ah bomb khia cih kithei nai lo hi ci-in pulak uh a, SAC galkapte in ahih leh KIA te’ khiat hi ci-in ngawhna nei uh hi.
Hpakant khuapi sungah Theinosih kha 25,2026 ni a kipan tuni dong kidona nasia mahmah lai hi.
Source: BBC Burmese
