US kumpi in a gamsung a naupangte’ adingin natna dalna zatui a kisam 17 lak pan 11-in khiamsuk uh hi. Hih zatui 11-te lakah Polio leh Measles (sensi) pan kidalna zatui kihel a, ahih zongin Hepatitis A leh B leh Covid pan a kidal nading zatuite pen kisut loh phamawh cih thu omsak nawnlo uh hi.President Trump in hih kibawlphatna pen a phat hangin naupangte siavuan ngiat kipawlnate in naupangte’ adingin lauhuai ci uh hi. Hih thu kibawlphatna pen Trump thupiakna tawh kizui-in, cidamna tawh kisai Secretary pa Robert F Kennedy Jr in a nasepna ahi hi.
Kennedy in hih thu kibawlphatna pen thu kikupna tampi khit teh a kisem pan hi cih leh US naupangte’ adingin a hoihzawk lam zong genbeh lai hi.
Hepatitis A leh Hepatitis B natna pan a kidal nading zatuite pen US naupang khempeuh a kisut ngiat uh kulsak nawnlo-in, naupang pawlkhat hih natnate nei thei dinga a ki-upmawh leh bek kisun ding uh hi.
Covid pan a kidalna zatui zong naupang khempeuh a kisut ngiat ding uh kulsak nawnlo-in, a nu leh pa uh leh siavuante in khensat ding ci uh hi.
Hih thu kibawlphatna pen US in gamdang 20, Britain, Canada, Denmark leh Australia-te kihel ettehna tungtawnin a bawlphat uh hi ci hi. Denmark-te’n naupangte natna pan a kidalna zatui 10 bek nei uh a, tua tungtawnin US te-a zong kibawlpha ci uh hi.
Source: BBC
