Switzerland gam Crans-Montana khua ah kumbei ni zan meikatna hangin kum 14 pan 39 kikal kiim mi sawmli bangin hong nusia uh hi. Kua tengin hong nusia cih a kicianin kitheih khit hang, kua teng nak liam, kua teng si thei ding dinmun ah om cih kithei thei nailo hi.
Switzerland palikte in Pizingni, January 5 in a thu pulakna vuah zato ah mi 83 bang lumin, hih mite pen a tawmpen gam 12 pan ci uh hi. A liamte tampitak pen nak kat lua uh ahih manin, kua hiam cih kithei nailo cih palikte in genbeh uh hi. Thukante in ahihleh mi 119 hi a liam ci uh hi.
Meikang kipatna ahi zuzuakna sai Le Constellation bar neite nupa thu a kisit laitak hi-in, hih sai ah mi kum 16 tungsiah in zu dawn thei uh hi.
Palikte thukanna khat ahihleh, meikang kipatna hang pen zuthawl tungah meivak a koihte uh pen khin tawh a kinaisak luat man uh hikha ding hi ci uh hi.
Source: BBC
