Delcy Rodriguez pen Venezuela-te’ Vice President hi a, Maduro kimat khit ciangin President dingin kiseh pah hi. Pizingni, January 5 in Rodriguez in Venezuela-te’ National Assembly mai-ah kiciamna neithei hi. A kiciamna ah Rodriguez in Maduro leh a zi, Cilia Flores a kimatna thu pen a lungkim hetloh lam a kicianzaw dingin gen phapha hi.
Rodriguez pen sitni lui hi-in, Maduro kimat ni zingsang akipan President taangmi dingin nasep kipan pah hi. Kiginni, January 3 ni, zingsang phalvak ma-in Caracas khuasung ah bom gingte kiza a, Venezuela galkapte’ munpite ah zong kiza hi.
Pizingni, January 5 ni, Rodriguez kiciamna pen a laizompa leh National Assembly-te’ President-pa ahi, Jorge Rodriguez leh Maduro’ tapa Nicolas Maduro Guerra-te in encik uh hi. Hihte banah Interior Minister ahi Diosdado Cabello leh Defence Minister ahi Vladimir Padrino-te zong kihel thei uh hi.
Republic-te’ Senator-pa ahi Tom Cotton in, “Nicolas Maduro pen Venezuela gamte’ kumpipa hi cih ka ciaptehpih loh mah bangin, Delcy Rodriguez zong Venezuela-te’ kumpinu hi,” ci-in ciaptehpih kei ung ci hi.
Source: Aljazeera
