Tun kha 27, 2026 ❖ The Tedim Post
Shan State, Ywa-Ngan khua kidona ah galkap ulian kihel mimal 10 in hong usia in galvan sagih kingah hi ci-in Danu mipi galkap(1003) in tangkona nei hi. Myat Kalay khua ah Tun kha (February)kal nihna ah gal hong kuanto SAC galkapte Mine siahna tungtawn in galvan nih kingah hi.
SAC te Ambulance tawh a kipua pawlkhat om a, a hi zong in mimal bangzah liam cih a kician in kithei nailo hi.
Tun kha 18,2026 ( February 18,2026) in zong Kyauk Ngeik- Oake Dwin lampi ah galvil a a om SAC galkapte kido a, galkap ulian khat kihel mimal 10 in hong nusia hi ci-in pulak hi.
Tua kidona ah thau nga, thau tang 600, I-Naga khat, thukizaktheihna set khat leh thautang bung 11 kingah hi.
Abeisa kumlang a kipan in SAC in Ywa-Ngan a nung lam leh a mai lam do bektham lo khuaneute zong buluah uh hi.
Tua kidona ah “Galkap kipawlna Battalion 55 te leh Pyu te zong kihel hi” ci hi.
Tun kha 17,2026 (February 17,2026) in Ywa-Ngan khua sung ah kidona om laitak galphual ah mipi khat’ motor in hong nawk ahih manin mipi galkapte lampan kidona khawl uh hi. Tua huhau in SAC galkap te taiman uh hi ci-hi.
Tua ahih manin mipi lam pan kidona a om laitak galphual ah kuamah pai lo a, pilvang tak in kihepkhiat leh SAC te tawh a kigamla thei pen a muanhuaina mun ah na om nading uh ci-in Danu mipi galkap kipawlna (1003) in hanthawn uh hi.
Source: People’s Spring
