Tun 28, 2026 ❖ The Tedim Post
Tanintharyi Region, Thayet Chaung, Sonesin Phya khua ah galtai mipi sagih SAC galkapte in thatlum hi ci-in khuasung thukante in pulak hi.
Sone-Sin Phya khua gei ah galtai mipite a that SAC galkapte pen Thayet Chaung khua, Winwa sakhan ah galvai huh ding a pai KhaLaYa(409) pan galkapte hi ci-in, Kayin minam kipawlna(KNU) Myeik Dawei in Tun kha 17, 2026(February 17, 2026) in tangkona nei uh hi.
“Hong nusia mipite pen Sone-Sin Phya khua kiim ah galtai a aom laitak uh ahi hi.
SAC galkapte tawh galphual ah kituak in galtai mipi sagihte man in a that uh ahi hi. Hong nusia mipi sagih lak ah numei nga kihel a, nasiatak in bawlsiatna thuak in hong nusia uh ahi hi ci-in KNU in tangko hi.
“Hong nusia te pen mipi te hi a, SAC te’gal hilo ahih manin hihbang mulkimhuai bawlsiatna thuak in thatna pen a kilawm hetlo a lipkhap huai thu ahi hi” ci’n genbehna nei uh hi.
Thayet Chaung khua Winwa sakhan pen mipi’ galkapte in adona tungtawn in SAC galkapte in vanlam pan leh galvan behlap in nasiatak a dokik laitak uh ahi hi. Tun kha 23, 2026(February 23, 2026) in zong SAC galkapte in Sonesin Phya khua ah vanlam pan do in mipi khat in hong nusia in khat in liamna ngah hi.
Source: People’s Spring
