Tun kha 17, 2026 ❖ THE TEDIM POST
India-Kawlgam gamgi, Sagaing region, Tamu Township ah NUG khutnuai-a om ahi PDF thuneihna munte ah PDFte in khuasungmi khangno pasalte zankimpi-in galkap ding in kaihkhopna nei uh hi. A neih zelzel uh himah leh tusung teng in ong nasia semsem uh hi. Tua huhau in Tamu township kiim a om khua tuamtuam mun 5 pan khuasung numeite kikaikhawm uh in Tun kha 15, 2026 (February 15, 2026)ni nitak pan Tun kha 16, 2026 ni nih sung lungphona nei uh hi.
“Khangnote a kikaihkhopna hang in khuasung ah biakna vai ahi a khuasung vai tuamtuam te ah ahi zong in a sem ding om nawn lo hi. Bawng, lawite numeite in ka cin kul uh-a anla ding kua mah om nawn lo hi. Tua banah lo mun phualzang dong ah hong kaikhawm bektham lo in zankim laitak nangawn hong kaihkhopna hang un lungphona a nei ka hi uh hi.”ci-in khuasung mite in gen hi. Hih bangin a kaihkhop uh pen a beisa kha 2 lai pan ahi hi.
Tua lungphona hang in Tun kha 17, 2026 (Feb 17,2026) ni-in NUG khut nuai-a om PDF thuneite in zawhthawhthu tawh a kaihkhopte uh khahkhiatkik ding thu NUG in pulakna nei hi.
Source: Chin World
