2025 Myanmar gam kiteelpi pen Sen kumpi leh SAC kithukimna hangin a kibawl zo hi ci-in Sen gam Special Representative for Asia ahi Deng Xiaoping in December 29, 2025 in Naypyitaw kiteelpi encikte kimuhkhopna ah pulakna nei hi.
Sen kumpi deihna ah Myanmar gam ah party tuamtuam om ding hoih a, ahi zongin party khat bek om leh hoih zaw ding cih ahi hi. Kumpi kimakaihna Hluttaw ah galkap 25% leh mipi tangmi 26% dingin thusunna om hi ci-in SAC advisor khat in gen hi. A gennop in party tuamtuam om ding a, ahi zongin thu khensatna ah party khat bek in thu khensat ding cihna ahi hi.
Sen kumpi in SAC leh mualtungmi thautawi kipawlnate leptuahna a neih hangin mualtungmi party te om ding deihsakna pulak khollo uh hi. Tua banah SAC tawh a kinai pen USDP party te thapia-in, mipi party pawlkhatte ahih leh Sen gam Benjing khuapi ah sam in kimuh khopna nei uh hi.
Thuneihna pen galkap in len ding, Hluttaw ah mipi tangmite-in budget, thukhun vaite leh zum vaite len ding ci-in Sen gam kalsuanzia tawh kalsuan ding Sen kumpi lampan thusunna nei uh hi.
SAC advisor khat in Sen kumpi in Myanmar gamah a kip, a muanhuai kumpi om ding hong lunggulh pih mahmah hi ci-in zong pulakna nei hi.
Hih bangin Sen kumpi in SAC a panpihna a hang pen Myanmar gamah amau project te sep theih nading leh sawtvei sep suak theih nang banah Taiwan vai khawng zong kihel hi. Sen kumpi in amau project mabante NLD hunsung in mazang takin sem zolo ahih manin SAC hun ah sep theih nading lametna tawh SAC tha a pia mahmah uh ahi hi.
Source: BBC Burmese
