Tun kha 14, 2026 ❖ THE TEDIM POST
“Chin State, Matupi gam, Madu khua ah Chin minam thautawi CDF-Daai te in zawhthawh thu tawh galkap a kaihkhopna hang un khuasung mite in Tun kha 13,2026 (Feb 13,2026) ni-in lungphona nei uh hi.” ci-in khuasung mite tung pan kiza hi.
“Lungphona a kipat pen Tun kha 13, 2026 ni pan hi. Starlinkte zong khak uh ahih manin tulaitak khuasungmite tawh thu kiza thei lo hi. Lunphona bulpi pen ahih leh zankim in innkongte susia-a galkap hong kaihkhop uh ka sangzawh hangin, hong gamhtatna uh a sang zo lo ka hi uh hi. A beisa nitak khat zong thau 3 vei lawn uh hi. Tua ban ah innkuan khat ah mimal 1 ta la uh ahih manin kumcingnai lo naupang mimal 20 valte in zong matna thuak uh hi. Tuasung pan sang naupang pawl khat suaktasak in pawlkhat mah kem lai uh a, khuasung mite in a khahkhiat ding uh lungphona nei uh hi.”ci-in Madu mi khat in pulakna nei hi.
CDF-Daai pen Chin Brother Hood sung a om CDF-Mindat, MRO/CDF-Matupi leh CDF-Kanpalet te tawh a kipawl CPU/CPA sung a om kipawlna khat ahi hi.
Source: Chin World
