Sagaing Region, Khin-U leh Wetlet township te ah January 6, 2026 in SAC galkapte in vanlam tawh a dona uh hubau in mimal 6 in hong nusia in 10 sang a tawmzaw lo in liamna ngah uh hi cih khuasungmite’n pulak uh hi.
Khin-U township, Kone Kyi khua ah galtaite kibukna ahi sanginnpi kiim ah SAC galkapte in January 6, 2026 zingsanglam in galvanleng tawh bomb khiat uh hi. Tua huhau in sang innsung ah a kibu ahi galtai mimal thum in hong nusia a, sawm val in liamna ngah uh hi cih vaipuaknei khat in pulak hi.
Wetlet township, Pauk Kan Buta khua ah zong January 6, 2026 zingsang 10:00 AM pawl in galvanleng mah tawh bomb khiat uh hi. Tua huhau in kha nih a pha pan naupangno khat leh numei nih a kigawm mimal thum in hong nusia in khat in a hih leh a lu ah liamna ngah hi.
300 lb a gik bomb tang thum khia uh a, inn leh mawtaw pawlkhat zong kangtum hi cih khuasungmite’n pulak uh hi.
Source: BBC Burmese
