Magway Region, Katha leh Gangaw township ah SAC leh mipi’ galkapte kidona huhau in SAC galkapte in vanlam pan bomb khiat ngekngek uh cih galvaisai te in pulakna nei uh hi.
Gangaw township ah January 4 zingsanglam leh nitaklam in Jet Fighter tawh nih vei, Y12 galvanleng tawh 12 vei pai in bomb 80 val khia uh hi.
Hih dan bomb a khiatna uh huhau in Taungkhinyan khua (တောင်ခင်ရမ်းကျေးရွာ) sung a sang kiim ah puakkham in lungtang natna a nei ahi Phungzi (သံဃာတော်) khat in hong nusia hi.
January 5 in zong Taungkhinyan khua mah ah bomb khiat kik lai uh hi.
Tua banah Sagaing region, Katha khua ah zong vanlam pan mah in SAC in bomb khiat uh hi.
Mipi galkapte in Education Degree College a kihel khuasung lutna gate leh gilbem te lakhin zo hi cih khuasungmi pawlkhat in pulakna nei himah leh kipsakna lian omlo ci hi.
Katha township ah kiteelpi khat vei kibawl khin a, Gangaw township ah ahih leh a nih veina kibawl ding hi cih SAC in pulakna nei hi.
Source: BBC Burmese
