Kachin state, Hpakan township ah SAC te in tunai vanlam pan dona, bomb khiatna leh thaupi tawh a donate uh hang in hong nusia mimal leh a liam a bai tampi kibehlap hi cih thu khuasungmite in pulakna nei uh hi.
November 11, 2025 sunnung 1:00 pm hun pawlin vanlam pan a dona uh huhau in ကထန်ကွက်သစ် pan numei khat in hong nusia in mi thum in liamna ngah uh hi.
A beisa November 9, 2025 in zong Mawsisar khua (မှော်စီစာကျေးရွာ) lamzikpi tung ah puakkhapna hang in nuta khat lampai lai a tanu mine nen in kha in hong nusia a, a nu in liamna ngah hi.
November 10 in zong Mawsisar khua leh Hpakan paina lampi tung ah om ahi KBC biakinn mai ah mine puahkhapna hangin minih in hong nusia a, Lonekhin khua (လုံခင်းရွာ) Jade Love kiim ah mine puahkhapna hang mah in mi nih in liamna ngah uh hi.
Tulaitak Hpakan khua sung ah vanlam pan ahi a, thaupi tawh ahi zong, bomb leh mine te puahkhapna omzel ahih mahin thu phamawhlua a hih kei buang leh kuamah puapial loh ding hoih zaw hi cih khuasungmite’n pulak uh hi.
Hpakan khuasung ah SAC te in galkap tampi a behlapna uh tungtawn in KIA lam pan zong lehdo kik zel uh a hih manin bombging thauging kiza zel a, kua zaw khutma cih zong kithei zo lo hi cih zong pulak beh uh hi.
Kachin state sung ah kiteelpina bawl nading munte lak ah Hpakan township zong kihel ahih manin kuaman a nawngkai sak theih loh nading in SAC lam pan nasiatak in pan a lakna uh hang in zong hibang kidona a om zel hikha ding hi cih khuasungmi khat in pulakna nei hi.
Source: Voice of Myanmar
……………………………………
