Nungkal sunga Trump thusuahthak khat hang in gamdang mite a ding USA gam sung lutding haksa semsem ding hi. Hih thusuahna sunga kihel thu khat a hih leh, gamdangmi zunkhum sikum neite, thau theihna natna (obesity) neite leh amau-le-amau kivaak zawh nang sum a kicing a neilo te USA gamsung kilut sak lo mai thei ci hi.
Embassy nasemte kiangah zong USA gam lut nuam mi khempeuh USA kumpi in a piakkhiat noptuamnate tungah a kinga ding mi maw a kinga lo ding mi cih hoihtak a sittel nading un thu kipia hi.
Hih thusuah tawh kizui in zunkhum sikhum neite, thau theihna natna (obesity) neite, sikhang neite, lungtang natna neite, gilpi hoih lote leh lungsim lam damlohna a neite pen visa kipia lo thei ding cih genbehna nei hi.
Tua ban ah Embassy nasem ten zong visa siaute gen “Sum a kisam zah nei ungh,” cih a lahna uh bank account leh a sumte amau a takpi ahih lam kician tak in enciat ding kizasak hi.
Tulaitak USA gam pua lam a mite leh visa renew nuamte bek hih thu in a huam hangin, USA gam sung a innkuanpih nei a lut nuamte zong a sawtlo in huam kha thei dingin kilam-en hi.
USA gam a thuneite gendan ah hileh hi thu pen B-2 visa tawh a lut nuamte sukha lo ding ci phot uh hi.
Source: NBC News
……………………………………
