Online pan sum khemna leh thumaan lo nasemte (ကျားဖြန့်) Myanmar gam sungah a om nawnloh nadingin SAC in vaipuak lading committe khat Dec 10, 2025 in phuankhia hi.
Hih kipawlna ah SAC Minister of Home Affairs, Lieutenant General Tun Tun Naung leh Minister of Foreign Affairs and Immigration makaite zong kihel ding uh hi.
A beisa kumte sungin Myanmar gamgi pan online mikhemna hangin supna tampi om hi cih gamlian pawlkhat in a tangko zeuhzeuh banah hih ciaphiant nasemte tawh ki paikante zong kizopna khak ding gen uh ahih manin SAC in hibangin a vaihawm ahi hi. Leitung thuthangte ah zong tulaitak in Myanmar gamgi ah online pan mi khemna minthang lua ahih manin SAC in vaipuak a lak laitak ahi hi.
SAC phuat hih committee pen gamsung makaite leh gamdang kumpite tawh nasem khawm ding kipawlna hi ci-in SAC in tangko khia hi.
Hih Central Committee sung ah Central Bank Governor, Chief Ministers of the Region and State, Commander te, Department tuamtuam pan Deputy Minister te leh Military Security Affairs Corps pan galkapmangte zong kihel ding uh hi.
Ciaphiant a beisiang nading in policy suaihna, a kisap leh committee phuatna, nasepzia ding vaihawmnate banah Ciaphiant nasem gamdang mite zong a gam tek vuah puakding cih bangin gamdang kumpi tawh kizom in kisem khawm ding hi cih zong pulak uh hi.
Myawaddy (မြဝတီ), Shwekokku (ရွှေကုက္ကို) leh KK Park te pan SAC in gamdang mi mimal 10,000 Thai gam panin a gam vuah puakkik khin a, tua lak ah Sen minamte tam pen hi.
Dec 7 in Naypyitaw ah Thai Foreign Affairs Minister zin a, Ciaphiant tawh kisai SAC makai pipa General Min Aung Hlaing tawh kam kupna nei uh hi.
Source: BBC Burmese
……………………………………
