Tun kha 11, 2026 ❖ THE TEDIM POST
“Kidona a nasiat mahmah na mun ahi Chin State ah Sagaing Region, Kalay Myo panin SAC galkapte in galkap behlap uh hi. Tua a kibehlap galkapte pen Forland mawtaw nga pha uh in, Tunkha 11,2026 (February 11, 2026) ni nitak lam pawlin Tedim Township, Taingen khua tungta uh hi. Koilam manawh in paiding uh cih kithei lo ahih manin khualzin gamvak mipite kidawm ciat ni.”ci-in PDF-Zoland makaipi ahi Greenland Gideon in ama’ Facebook laimai tung ah zaksakna nei hi.
A beisa 2025, No kha (November,2025) sung in kidona a nasiatna mun ahi Chin State, Falam Township a kidona ah SAC galkapte lampan aliam abai a tam luatna huhau in 2026, Theinosih kha 20 ni-in zong Kalay Myo pan galkap mimal 300 kiim bang Taingen lampi tawnin puakbeh khin uh hi.
A beisa Theinosih kha sung mahin Falam Township manawh in a pai tua galkap mimal 300te Tunkha 8,2026 ni-in Chin minam thautawite in Falam Township, Htinshuu sakhan ah na pang uh hi. Tua huhau in SAC galkapte mainawt thei nawn lo uh a, a nungkikna uh hangin Farso khua a biakinnpi a kihel mipite inn 4 kangtum hi.
Hih a kibehlap kik SAC galkapte zong Falam Township lammah manawh ding hi ci-in khuasungmite’n upmawhna nei uh hi.
Source: Chin World
