Tun kha 5, 2026 ❖ THE TEDIM POST

Galkap makaipi General Min Aung Hlaing in doctorate degree a ngahna huhau in mailam ah gamleminam lamna ah vaipuak lianzaw ka nei hi, ci-in pulak hi.

“Keimah in hih pahtawina doctorate degree tawh kizui-in mailam gamleminam lamna ah vaipuak lianzaw nei ka hihna ka kiphawk hi. Mailam kalsuanna adingin thahatna khat zong ahi hi,” ci-in Yangon University ah a kibawl pahtawipiakna pawi ah pulakna nei hi.

Hih pahtawipiakna pawi pen 2026, Tun kha 5 ni-in Yangon University, Convocation Hall ah kibawl a,SAC’ khutnuai ah nasem ahi Minister of Education ahi Dr. Chaw Chaw Sein in makaihin pia hi.

“Gam ukzia kilaih in kikhelna a pian laitak haksatna leh buainate sung ah hoihtak makaihin a kilawm bangin a vaihawm zawhna hangin hih pahtawina doctorate degree a kipia ahi hi,” ci-in Dr. Chaw Chaw Sein in gen hi.

Source: BBC Burmese