Tun kha 8, 2026 ❖ THE TEDIM POST
SAC galkapte in ukna a buluah khit a kipan nuntak haksatna nasia mahmah hi. Tua haksana paulap in Zogam sung ah zolo kilim ciin mahmah hi. Tua huhau in a beisa 2025, Phal kha 22 leh 23 (October 22,23) ni-in PDF-Zoland in zolo pawlkhat suksiatna nei hi.
“Zolo kiciingna kiam tuan lohna hang in 2026, Tun kha kalmasa in PDF-Zolandte a phual ah pai ngiat uh hi. Tua huhau in nasem pawlkhat in PDF-Zolandte kepna thuak uh hi.
Kepna athuak nasemte lak pan kum 18 nuai siah leh 35 tungsiahte , innkuan avak, innkuan lutangte, unau khatbek ahi te, innkuan sungpan mipi galkap a lut khinte leh lungsim pumpi cidam lohna a neite khahkik uh a, a dangte ahih leh mipi galkap ding in kem suak uh hi.
PDF-Zoland in zolo ah nasemte ahi a, loneite ahi zong in mailam ah mipi tawh kikhat in a kisam bang in nasep khop toh ding zong theihsakna nei uh hi cih PDF-Zoland facebook laimai tungtawn in kitheikhia hi.
Source: PDF-Zoland
