SAC khutnuai a om Ministry of Information leh Public Relations and Psychological Operations te tungtawnin SAC thuthang a tangko khia Twitch, Facebook, YouTube leh Media Fire pan social media account te kikhak sak hi ci-in Justice For Myanmar in tangko khia hi.
Justice For Myanmar in technology company te kiangah laikhak in SAC’ thuthang tangkote ading vanlena leh thulela tawh kisai panpihna khawl nading leh mikim ngah ding hamphatnate supna vai tawh kisai dotna lai khak uh a, tua banah mipi kipawlnate tawsawnnate zong om ahih manin SAC tawh kisai account te kikhak hi ci-in gen uh hi.
Amazon in a neih Twitch pan MRTV thuzaksakna leh a dang Myanmar Radio Line 14 zong amau website, Google tung leh Apple App store a om application tuamtuamte pan phiatkhia gai uh a, MITV zong khak uh hi.
Tua banah Facebook in zong MITV page phiat khin cih pulak uh hi. Alphabet in a neih YouTube pan in zong SAC te’ thuthang tangkona account khat phiat uh himahleh MITV account phiat ding tuni ciang dong nial lai uh hi.
Hih bangin a phiatsakna uh pen mipite leh leitungbup ah SAC’ thu tangkonate a kizelhlohna ding kal masa hi a, technology company te’n zong SAC tawh kisai account te a khak zomsuak na ding un Justice For Myanmar in hanthawn hi.
Source: The Irrawaddy Burmese
……………………………………
