Tulaitak in Ukna buluah SAC leh Ta’ang National Liberation Army (TNLA) te Mogok – Moemeik township te ah kidona nasia mahmah hi cih Ministry of Defense, National Unity Government (NUG) in pulakna nei hi.
November 30, 2025 pan December 6, 2025 kikal kikapna 9 vei sang a tawm zawlo ding om a, SAC te sakhan khat zong TNLA galkapte in lazo uh hi.
December 6, 2025 in Moemeik township tawh tai 18 kigamlatna a om ahi Mit Sone khua (မြစ်ဆုံရွာ) ah SAC in galvanleng tawh bomb khia in a kapna uh hangin galtai khuasungmite tampi in hong nusia hi cih khuasungmi khat in pulak hi.
Mogok township pen PDF in dal ding leh Kachin Independence Army (KIA) galkapte in Moemeik township dal ding cih pulakna zong a om ngeisa ahi hi.
Hih thu tawh kisai in NUG lampan ahi zong SAC lampan ahi zong pulakna bangmah om nai lo hi.
Source: BBC Burmese
……………………………………
